Tunistas Joosep Kirhäiding (Petri p.): Toll körral olnu tema ka Ritsingi keldri pääl, Kusta Parman lännu köige edimalt säält ära, siis lännu tema, Kirhäiding, ära, pääle see kaenu tema, Isak Parmani höikamise pääle üla ola tagasi ja nännu, et kats naisterahwast kisknuwa Isaki käest ütte asja, aga mis see oli seda ei tija. Tema lännu ära, Jaan Ritsing ei ole toll mitte kotun olnu. Liina Parman om ütskörd tälle küll ütelnu: Ole nii hää ja lase Jaan Ritsingil täämba odangul minu poole tulla. Temal ei ole wõimalik olnu toll körral seda sönna Jaan Ritsingile wiija, aga mõne päiwa perast sai see sönum küll Jaanile teeda, etn kas tema selle kutsmise pääl sääl käwa, wai ei, seda ei tija. Kulleman käimisest Isak Parmaniga Tooma talul, sest ei tija tema midagi.

Otsus.

Lepsiwa ära, Isak Parman tunistas oma süüd üles et tema om kõik seda tühja ja teotamise juttu, mis Paap Parman om Jaan Ritisngi üle selle asja perast könelnu, om kõik wölsnu ja palleb andis ja lubab selle eest trahwi massa Jaan Ritsingile 3 rbl. ja ei luba enamb säärast tühja juttu edespidi mitte könelda.

Pääkohtumees Joh. Lepland

Kohtumees J. Kirhäiding

Kohtumees J. Oinberg