Tõine kohhus selsammal päiwal:

Ette tulli mõtsawaht Jaan Uibo nink kaiwas. Et Närristu Taniel Wärs om haino pallost weddanu ja 1/2 süld puid ärra warrastanu, kost ka enne sedda Juhhan Lodus 40 halgo reekessega olli tonu nink nõwwap ülle mõllembide wargide 5 Rbl. 

Taniel Wärs kutsuti ette küssiti, kui sinna ollet tohtnu neid puid warrastada? Taniel wastut: Minna lätsi alla ommi ostetu haino perra ja wõtti maast 4 halgo puid katskise ree pä päle panda nink taggasi tulles koormaga tul mõtsawaht Mihkli Warres wasta nink lugges ne 4 halgo puid ärra nink minna ütli: Tulle ütten koddo sis näet, ennamb puid ei olle; ent mõtsawaht es tulle nink kottun terwe maja rahwas woip tunnistada, et ennamb es olle.

Ne pu weddaja Hindrik Tuhhand ja Hindrik Kap tunnistiwa et pool süld puid ollew alla pallo jänu nink kui nemma ollew taggasi tulnu sis tulnu Taniel Wärs haina koormaga ja olnu kül al ree pä pääl puid, ent kui paljo, sedda nemma ei wõiwat ka tunnistada.

Kohtu otsus: Et ütteki selget tunnistust ei olle ja mõtsawaht ka Tanila kutsumisse päle alla es lä peap Taniel Wärs 50 kop. ja Juhhan Lodus tõine 50 kop. mõtsawahhile ärra masma.

Sai kohto otsus ja § 773 ja 774 kohtun käüjile kulutedus ent mõtsawaht es olle rahhul nink pallus Prottokolli, mes ka sai lubbatus. 

Pä kohtumehhe assemel Peter Mandel

Kohtumehhe abbi Hindrik Tillmann

Kohtumehhe assemel Adam Lukkatz

Kirjutaja P. Undritz