Wijes kohhus sel sammal päiwal:

Jaanba tallo perris omanik G. Grünberg kaiwas, et tema rentnikul Adam Mäel 53 Rbl. 50 kp renti weel masmata om.

Rentnik Adam Mäel üttel, et temma se raha G. Grünbergi poja maamõõtja herra Otho Grünbergi kätte om masnu nink näüdas tähe ette, kon maamõõtja olli tunnistanu, et Adam Mäel ennegi tema kätte 50 Rbl. om masnu.

Selle päle üttel G. Grünberg: Minnule ei puttu poja assi midagi sest pojal om esi oma maja ja majapidamine minnul esi, kas mina woi teda, mes eest se raha om mastu sest täht ei tunista ka muud kui et 50 Rbl. mastu om. 

Kohtu otsus: Esa woip poja käest ikkes se raha kätte sada ent wõõral om se rasse asi, - selle perra peap Adam Mäel se pudus 3 Rbl. 50 kp ka weel ärra masma nink G. Grünberg nõudko se 50 Rbl. omma poja maamõõtja herra Otho käest kätte.

Sai kohto otsus ja § 773 ja 774 kohtun käüjile kulutedus ent G. Grünberg es olle rahhul nink pallus Prottokolli, mes ka sai lubbatus.

                                          Päkohtumees Jaan Tullus

                                         Kohtumees Jaan Wärs

                                                     do     Peter Mandel

Prottokoll om sel      Aprillil 1871 wälja antu.

                                           Kirjutaja P. Undritz