Kaiwas Jakop Parmak et tema tulnu Wööbsust jõge möda üles ja olnu piri jögi kinni pantu ja tema wötnu kül kaitsa ehk säsa seest nii paljo warwa wäjha et Lotsikuke tulla woinu ja tulnu Kustaw Zernask kaitsa manno nink sääl ka wõtnu ni paljo warwan wälja et Lootsikuga minna wöinu ja raggonu kirweka witsa katski et warwa wälja wöis sada. Ent Kustaw Zernask welle Johaniga tulnu jõe weerde ja pilnu tedda nuija tükki ja kiwwitega wisanu tälle lootsikute.

Ette kutsuti Gustaw Zernask ja üttel et temma ei olle wisanu Jakop Parmakile nuija ei kiwwika enge üttelnu mes sa ni teed, kui ma olle süüdlane siis kaiba kohtole nink Jakop ähwardanu tedda Gustawit kirwega.

Nink tuliwa ka ette Pihkwa kubbermango Petser kreisi Lobbotka kantore alt Kärre küllast Wassil Iwanow, Sahar Lepow, Stepan Pawlow ja Wassil Andrei ja nöutsiwa ka et pool seda piiri jöge peap wallale olema nii et Lootsikudega woip käwwa nink et pääleki tema pääl allati ridu om.

Otsus

Kohus moistis et keaki ei tohhi siis poolt jöge kinni panda warbuga ei ka haoga ja nida lubbasiwa ka ülemal nimmitud Pihkwa kubbermango Kärre külla mehe sedda leppikut täita et iks Lootsikuka käwwa wöip.

Päkohtomees P. Urtson

Kohtomees J. Oinberg

Kohtomees K. Rämman