Kolmas kohhus selsamal päiwal.

Ette tulli Juhhan Kantzleer kaiwas, temma om ütte wäikese kambre tarre kõrwale tennu, ent Hindrik Tuhhand om Herra lubbaga hendale ütte tõise sinna ümbre tennu, sis om Juhhan länno maad eest ärra wõtma, ent Hindrik ei olle lasknu ja om tälle suure puuga käe päle löönu.

Hindrik koste selle päle: Se om õige, et ma kambre ümbre tei ja Juhhan tulli kui mul 4. kõrda üllewan olli, wanna ärra laotama ent minna es tahha laske, selle et temal kraam sääl kambren sisen olli tõmmassi tedda kaska siilo pitte kattusse päält maha, ent se päle wõt Juhhan ütte suure malga ja tahtse mulle lüwwa ent mina wõtti se puu kinni, es lase ja ni rübbelsime maan seni kui harjatsikko kokko lätsime. Sääl rubbelden om tema haiget sanu.

Tunnistaja Kattre Messi, An Wangerfeldt, Jaak Mäggi ja Jaan Walge es tunnista muud näggewat ollew, kui et na maan omma rubbelnu. 

Et Juhhan Kantzleeril käsi paistet ol, sis arwas koggokonna kohhus et Hindrik iks hä tubli paugo om andnu.

Kohtu otsus: Hindrik Tuhhand peap Juhhan Kantzleeriile 3 Rbl. ja sandi laati 2 Rbl. kokko 5 Rbl hobb. katte näddali sisen ärra masma.

Sai kohto otsus ja § 773 ja 774 kohtun käüjile kulutedus, ent kumbgi es olle rahhul.

                                                                                    Pä kohtumees Jaan Tullus

Prottokoll om sel 31. Mail s.a. wälja antu.

                                                                                    Kirjutaja P. Undritz