Jusal, sel 23. Juulil 1871 olli Karraskij koggokonna kohhus koon.

Ette tulli Adam Mäele, kaiwas, et temma rendi andja ei andwat kondrahhi perra leppituid rükka 12 wakkama kätte; enge ütsinda 10 wakkama.

G. Grünberg kutsuti ette, küssiti selle asja perrast. G. Grünberg wastut, et temma kondrahhi perra mitte ennamb ei ollew lepnu kui 10 wakkama.

Sai sis Adam Mäele käest kondraht küssitus kon nätta olli, et eesmalt sõnnaga 10 ja perrast numbrega alla 12 wakkama olli kirjutet nink se sõnnaga kirjutet 10 ärra pühhit.

Et nüüd me kondrahhi kongi kinnitet es olle ja ütte kondrahhi perra wai 100 tükki wõise wälja kirjutada ja neid mudu teda, sis sai tunnistus meeste käest nõwwetus.

Dawid Ehhin Jõksist ja Jaan Pundus Sõrrestest tunnistiwa: Maamõõtja Ottho Grünberg ja temma welli Rudolph olnu Sõrresten omma essa assemel ne kondrahhi teggija. Eesmalt sanu kül ülles kirjutetus 10 wakkama rükka ent perrast kui Adam Mäele sedda weitus põlgnu ja kontrahhi ei olle tahtnu wõtta, sis om noremb welli Rudolph üttelnu: No olgo päle, kui wanul perremehhil ni om olnu sis olgo teil ka 12 wakkama. 

Kohtu otsus: G. Grünberg peap omma rentnikku Adam Mäele 12 wakkamaad rükka kätte andma.

Sai kohtu otsus sel 23. Julil s.a. kuulutedus ja ka oppusse kirri sis samma antus.

                                                   Pä kohtumees Jaan Tullus

                                                   Kohtumees Peter Mandli

                                                  Kohtumehhe ass. Adam Lukkatz

                                        Prottokoll om sel     Juulil 1871. wälja wõetu.

                                                                                      P. Undritz  kirjutaja ass.