Tulli ette Kristjan Kübar nink tunnist et Jacob Parson om temmal üttelnud et August Anderson tahap minno käest kamaskit osta ja pakub 4 rbl. 50 kop. ja 1 kirwes ehk ütte haera ja sis om temma (Kübbar) üttelnud et müü ärräa ja sis om töist körd Jacob Parson jälle tulnud ja om August Anderson käest neid haerid küssinud, ja August Anderson om juhhatanud et röa sissen kiwwi man ommawa, ja sis om Jacob Parson seda Kristjan Kübbaril ärrä könnelnud et nüüd lääme haerid otsma, ja sis om Peter Kübbar röa sisse ette lännud, selle et rükka om enne ärrä sökkut olnu, ja sis om August Anderson Jacob Parsoniga sinna kiwwi manno lännud ja om August Anderson need haerad Jacob Parson kätte andnud, ja see ollew üttelnud et nee omma weikese ja om kiwwi wasta neid haerid löönud et roste küllest lääsi, ja sis om August Anderson suurembid haerid lubbanud anda, ja sis om Peter Kübbar röast wälja karranud ja olli haerad August Anderson käest ärrä wõtnud.

Pääkohtumees: Peter Urtson

Kohtumees: Kusta Rämman

Kohtumees: Joosep Oinberg

Kirjotaja F Wreimann <allkiri>