Tulli ette Jacob Harkmann nink kaebas et temma om päält Sahhari laado lännud Joosep Kübbardiga kartoflit wötma ja sis om tema söögi aiga kartoflite pääle magama heidanud ja ommawa kasti wötme taskun olnu ja üllestullen om löudnud et need kasti wötmed ommawa ärrä kaonud olnud, ja 18 Octobril om Joosep Kübbard tee pääle lännud ja om Kusta Helfer willatset püksit jalga ajanud, ja tagasi tullen om töise päiwa hommingo haige olnud, ja sis om Kusta Helfer üttelnud Hindrik Helferil et too minno willatset püksid, ja sis ommawa lännud kartofli kuhja kinni ajama, ja kui töö ärrä ommawa tennu sis om Kusta Helfer naanud piipu pallama pandma, sis om taskust Jacob Harkmann kasti wötme löudnud, ja ollew nüüd weel need wötmed Joosep Kübbard käen, ja ollew ka temmal 3 rbl raha sest kastist ärrä kadonud, selle aja sissem kui wötmed ärrä kaonud olliwa ja ollew Joosep Kübbard lubbanud tedda üllelüwwa.

Tulli ette Kusta Helfer nink temmal saije Jacob Harkmann kaebus ette loetus nink pääle temma kost et see niida ollew kui Jacob Harkmann om ülles andnud enge raha kadomist ei ole Jacob Harkmann temmal mitte teatanud, Joosep Kübbard om kül ähwardanud Jacob Harkmanni ülle lüwwa.

Tulli ette Joosep Kübbard nink wastat et tema om need Jacob Harkmann kasti wötmed löudnud Kusta Helfer kartofli kuhja olgi seest, ähwardanud tema kül om Harkmanni

Otsus

Mõistis kohhus et Joosep Kübbard peab 2 rbl 2 nädali aja sissen selle eest waeste ladikohe massma et Jacob Harkmann wötmed om tema käest lõitu mida Harkmann ütlep hendal warrastetu ollewad.

Pääkohtumees: Peter Urtson

Kohtumees: Kusta Rämman

Kohtumees: Joosep Oinberg

Kirjotaja F Wreimann <allkiri>