Tulli ette Joosep Parmak nink kaebas et Kusta Karpson waeste laste wöölmöldrel Peep Laaskar nink Jacob Parmatzow ei olewat omma leppingut mis sel 21 Aprillil s.a. No 1 al kog. kohtu leppinguraamatu om kirjotet ja tetta pidanud, ja nöwap selle eest kahjotassomist 500 Rbl ehk Kusta Karpson waeste lastemaja henda kätte rendile.

Tulliwa ette waeste laste wöölmöldret Peep Laaskar nink Jacob Parmatzow nink wastatiwa et nemad selle omma leppingut ei olewat täutnu et Joosep Parmak Anne Karpson mees ei ole, ja Joosep Parmak niida kui neide wöölmöldrite poolt käsk olli olnu et 26 Aprillil piddi Räpina oppetaja manno loetusele minnema ei ole täutnu; ja ka waeste laste majan ei ela; ja 30 Mail Kusta Karpson waeste laste maja tulli wasto wötma, kon pöld waeste laste warandusega maha olli tettu, nink eest temma üttegi tassomist ei luppa, ja ka sulaste teenitud palka kes Jüripäiwast 23 Aprillist s.a. seeni ajani s.o. 30 Maini ommawa waeste laste majan töön olnu, ei luppa tasso ja kui temma 1886 aastal tahtse maija renti sis piddi temma ka rendi sisse massma, ülleültse ei seisa ka nende leppingun, et nemad 1886 aastal Kusta Karpson perijide maha wäljarentwa.

Otsus

Et kog. kohus Kusta Karpson waeste laste wöölmödrite wastusin antu punktid om töttes arwanu, ja ka läbi kaenu sis arwap kog. kohus Joosep Parmak kaebduse waeste laste wöölmöldrite, Peep Laaskar nink Jacob Parmatzow pääle leppingu rikmise perrast tühjas.

§773 ja §774 suuremba kohtukäimisest kohtukäijatele ette kuulutud.

Kuulut Joosep Parmak et temma selle otsusega rahhul ei ole.

oppusleht sel 30 Mail s.a. wälja antu Joosep Parmakul