Protokoll Nr. 22.

Lewi kogokonna kohus, sel 27 Septembril 1878.

Man olliwa päkohtumees Karl Lauk

kohtumees Jaan Thal

abi " Hindrik Raudsar

Ette tulli Lewi mõisa hobbeste waht Peter Kütt nink tõst sellesama mõisa kubbija Jürri Roht päle kaibust, et se om temma hobbute wahtmise puutka ärra sitnu, nida et temmal kongi nüüd sel külmal üül olla ei ole, ja pallel et Jürri Roht se puutka ärra puhastas nink pälegi temma selle rojatse tö eest 6 Rbl. trahwitus saas, kelle ülle ka Jaan Kirs, Michel Parring nink Hindrik Rõigas tunnistada woip. Jaan Kirs saije sisse kutsutus and tunnistust, et temma om nännu kui Jürri Roht selle puutka sissen käinu, lännu sissama takkan kaema ja leidnu selle puutka siist wärskilt ärra rojastedu, nink olnu weel wäidikesse õlgi päle laotedu. Mihkel Parring ja Hindrik Rõigas anniwa tunnistust, et nema kül esi seda mitte nännu ei olle, enge Jaan Kirs om seda asja näile kõnelnu, et Jürri Roht oma seda hobeste wahi puutkat ärra rojastanu ja weel peoga õlgi päle laotanu.

Otsus: Et Jürri Roht täämba siin ei olle, sis es woi selle asja ülle weel middagi mõista, nink saiwa sel 4 Octobril ette kutsustus.

Päkohtumees

kohtumees

abi "

kirjotj. [allkiri] JKirrop