Tulli ette Fritz Solnask nink kaebas et temmal om 13dal Septembril kaara röuk ärrä pallotetu nimmelt ollew Rein ja Joosep Oinberg karjused: tulle sinna kaara röugu lähedale tennud ja ollew see röuk nimmelt pallama pant selle et üts tungel om röuga man olnud, Kusta Helfer om see kurja töö üllekaenud ja nöwap 30 Rbl. kahjotassomist.

Tulli ette Kusta Helfer nink tunnist et temma om see pallamise kattuse ülle kaenud ja om see tulli mis ülles tettu olli olnud 106 sammo kaugel olnud, ja ollew üts tungel ütte witsaga senna röugu juurde wiidud olnud.

Tulli ette Kusta Oinberg (Reino poig) masnsaisja Joosep Oinberg nink tunnist et Joosep ja Jakob Mähar karjused olliwad tulle ülles tennud ja nemad ommad ka manno lännüd ja omma henda lämmistanud, ja ollew Mähäride karjused Joosep Mähowi poeg temmale üttelnud et Jaan Säkna poig ollew tunglega tuld kaara röugu poole wiinud

Tulli ette Lotti Oinberg (Joosepi tüttar) mansaisja Joosep Oinberg nink tunnist et temma palamist ei tija, Mähari karjused ollew tulle tennud ja nemma omma ka manno lännü

Tulli ette Wiido Säkna mansaisja Jaan Säkna nink tunnist et ttemma olli kül Mähari karjuside mann olnud ja om ka ütte witsa murranud ja om tunglega kaara röugu manno tulle wiinud ja säält om pallama lännüd.

Tulli ette Ann Säkna nink tunnist et temma olli kuulnud kui Fritz Solnaski karjus olli üttelnu perast seda kui kaara röuk olli ärrä pallanud et: "Iggale üttele kes kurja teep saab kümmne wörra tagasi tassotud."

Otsus

See palanud röugu suuruse ja saagi ülle tunnistajs otsi.