Sel 17 Webruaril 1886

Kaibas Ernst Jumburg, et temma 1 Nowembril 1885 asta päle tenistuse kauba Kristjan Undritzega om tennu asta palk ollnu 75 Rubl kaubeltu ja se Kristjan Undritz om tema 30 Januaril s.a ilma süita ärra aijanu ja tema passi kinni pidanu, nisama tema krami kinni hoitnu. Muist palka ollewat tema kättesanu ent selged rehnungi ei wõi anda selle et tema wäikene tasku ramat, kos se ülles om kirjutadu, praegu tema kastin seisab, mis perremees kinni wõttis. Ernst Jumburg nõudis asta palk ja omma pass ja asjat kätte.

Kristjan Undritz wastutas selle päle, et tema kaibaja 1 Nowembr 1885 kül 75 Rubl est asta päle kaubelnu ja 30 Januaril s.a om se ineminne ärra lännu selle et temma ollemise ja muide koerustüke perrast sellega tapelnu om. Kaibaja om 12 Rubl 42 Kop palka wälja sanu ja Kaibaja om Warra mõtsast tema nimme päle ½ sülda puid lainanu ja tema andno raha puude est ütten ja üttelnu Warra mõtsan et temal Loog katski om ja ei olle mitte pool neist pudest kodu tonu. Kaibaja ollewat ka tema Saapa ütten ärra wienu ja Kristjan Undritz lubanu seda kaibajat tenistusse tagasi wõtta.

Ernst Jumburg wastutas, et tema omma nimme päle 60 kop pude est lainus jänu ja need Sabat ollewat temma Mikko Peter Luha käest ostnu, kelle est raha perremees ärra massma pidanu ja es luba enamb tenistussi tagasi mina ja andis tunistajas ülles Johan Kieter ja selle naene, Peter Luha ja sullane Peter Meijer.

Otsus: et tunistaja ette om kutsuta.

Päkohtumees: Mihkli Iwan /allkiri/

Kohtumees: Jürri Kärn XXX

"  Jaan Hansen /allkiri/

"  Johan Raswa XXX

Kirjutaja: J. Weber /allkiri/