Sel sammal päiwal, tulli Gotthard Grünberg ette nink kaibas, et temma oma rentnik Ludwig Armolik ollew tedda sõimanu, wargas ja weel muido halwaste. Kutsuti Ludwig Armoli ette ja nõuti, selle sõimamise perrast; ent Ludwig wabband, temma ei ollew mitte Grünbergi sõimanu, enge G. Grünberg ollew tedda enne sõimanu.  Kohtumees Jaan Wärs, kes sõimamise ajal om johtunu sääl ollema, tunnist et Ludwig ollew Grünbergi eesmalt sõimanu, selle et Gruberg omma haina wargust temma käest olli nõudnu. 

Kohtu mõistmine olli ni: Et tunnistaja Jaan Wärs om kuulnu, kui Ludwig sõimas, sis arwas kohhus, Ludwil mitte õigus olla sõimata ja mõist et Ludwig peap sõimu perrast 1 rubla trahwi, waeste laadikuhe, kige ildamb 8 päiwa sissen kohtu lawwa päle ärra masma. 

                                                                  Pä kohtumees Jaan Tullus  XXX

                                                                      Kohtumees  Jaan Wärs  XXX

                                                                                 do      Peter Mandli  XXX