Jusal olli koggokonna kohhus koon sel 14. Julil 1872

Tulli ette soldat Taniel Kõrne ja kaiwas, et temma ollew löönu sel kewwadel Karraskij mõisahe tenistuste; ent nüüd ei olle jõudnu sääl tenida nink om henda ülle mõisa rentniku keelu tenistusest wallale wõtnu, ja mõisa rentnik ei maswat tälle temma teenitu palka mitte kätte.  Mõisa rentnik Jaan Sirachu käest küssiti, melles ta soldati palka ärra ei massa? Jaan Sirach üttel: Kui Taniel Kõrne olles minno, 8tast Maijst s.a., Märdi päiwani teninu, sis olles ma kiik palk 42 rublat rahha, mes leppitu olli, wälja masnu; ent Taniel teense ennegi 37 päiwa nink wõt henda ülle minno keel tenistusest wallale, sis ei massa ma tälle mitte palka sukkuki kätte, selle selle et Taniel minno mant wallale wõtten üttel: Ma ei tahha teid tenida ja nüüd muide man tenip. 

Kohtu otsus: Et Taniel Kõrne mitte terwuse perrast es wõi mõisan tenida, ni mõist kohhus: et  mõisa rentnik J. Sirach peap Tanielile neide 37 tenitu paiwi eest 10 rubla 50 koppikut, kattesa päiwa sissen ärra masma. 

Kohtumõistmine, ja § 773 n. 774 sai kohtun käüjile ette loetus, Jaan Sirach es olle sellega mitte rahhu ja Pallel Protokolli wälja, mes kohhus lubbasi anda Keisriliku Wõrro ma kohtule.

Protokoll om wälja wõetu sel 19 Julil 1872                           

Pä kohtumees: Jaan Tullus  XXX

Kohtumees: Jaan Wärs  XXX

do        : Peter Mandli  XXX

Kirjotaja abbi: J. Leppik

Keisrilik Wõrromaa kohhus om seda asja  Keiserliku Kihelkonna kohtude juhhatanu, 

 kohhe ka Protokoll, J. Sirachule,  sai antus, sel 21 Julil 1872.