Kirriku walla wöölmündri Karl Konsar tulli kohto ette ja kaibas et temmä om kaupmees Unterwaldi 26 leisikat linnu müinud mis kaupmees Tamma tee pääl käest ärrä om wõtnud

Kaup om nida tetto

Karl Konsa om wõtnod 2 leisikat linnu ja om lännu kaupmees Unterwaldi pole ja om sääl kaupa ärrä tenno kige 26 leisika linnu päle 3 rubla leisika ja nee ütten woeti 2 leisikat linnu om Karl kaupmees Unterwaldi pole sissi jätnud kauba kinnitusses ni kauges kui Karl ne ärrä kaubeltu 24 leisikat linnu weel perrä wiib. Kui Karl neide 24 leisika linnugga Unterwaldi pole om lännu siis om kaupmees Tamm tee pääl küssinu mees kas linnad muwwa om siis om Karl üttelnu müwwa jah siis Tamm küssinu mis sa tahhad neist Karl om üttelno 3 Rubla 30 kop leisik siis om wastamessi lepping 3 Rubla 5 kop päle kokko sündinu. Siis om Karl Tammel üttelnu ei tea kas ma wõin müwwa et mul om Unterwaldi pole ärrä müüdo. Siis om kaupmees Tamm üttelnu polle wigga tu sissi. Siis om Karl issi linnad podi sissi kandno.

Kohhus möisis et linnas kaupmees Tammel jäwäd.

Pä kohtomees Paap Kiudorw

Kohto mees Kristian Wössoberg, Jakob Türkson, Jaan Holsting, H Toding