Krabi pruwa tulli kohto ette ja kaibas et temmä rentnik Peter Rauba om temmä mötsa pallama laskno panda, ja kui jo möts keik näddäl mitmest kohhast wannast ja wastsest paigast om pallanu ei olle Peter mitte kistutama lännü. Enge et prouwa issi palgalissegä ütsindä om pidäno kistutama.

Peter Rauba sai ette kutsutut ja küssitu üttel temmä et temmä ei olle mitte koddon olno kui möts pallama om lännü. Ja et kui mötsa om pallanu siis om temmä pois naine ja tüdruk mötsa kistutaman olno.

Hindrik Timmat tunnistas et Harmi Hanso poig om pandno pallama Krabi prouwa mötsa mis Hindrik Timmati poig om könnelnu et neo poisid möllemba wäikessed ommawa ei wõi neide lapseliko juttust märästki selletust sada.

Mik Hindowi poig Adam üttel mann olno kui Peter Rauba karjus Josep Hans Puksoni poig tulle tikkoga ülles om wötno ja kus ka Petre poig mann om olno ja tulle tikkoga ülles wõtno ja Sambla sissi pallama pandno. Sawwi kiwwi om ütten olno kus tulli ülles om tömmato ja neo lapsed om koddost nimmelt lännuwa.

Mik Hindow üttel et minna ollen tö teggiä mötsa kistutamisse mann kus pallama pantus.

Täembä jälle om pallama pantud ja Peter  Rauba ei tulle suggugi mötsa pallamist kistutama om üttelno et pallago keik ärrä puhtas ja peab wandoma

Et wäikesse karja laste juttu perrä ei wõi middägi selletust sada om täwwelikko tunnistusse tarwidusse perräst polele jänod.

Pä kohto mees Paap Kiudorw

Kohto mees Jaan Holsting

Kohto mees Kristian Wössoberg