Peter Narrostrank tulli kohto ette ja kaibas et höidselisse om temmäl 2 kuhja haino ärrä om pallutano kust arwata 5 kormat haino om ülle katte kuhja olno. Höidsel om olno Josep Zerna hobbese waht höidselissed Karli Pinding ja Gustaw Kirrutant.

Hobbese wahhi käest sai küssitu üttel temmä et neil om wäike tulli olnod 6 sammo kuhjast kaugel ja ärrä minneki aig om nemmäd tulle ärrä kistutano se om pühhä päiw hommingo olno, agga Eespäiw Lõuna aig om weel kuhhi pallama läino mis mitte neide tullest ei sa ollema olno ja et neil ei olle middägi tulle tungelt jäno eggä tuld.

Karli Pinding üttel et neil ei olle middägi tuld jänod sennä 1 tuk om jäno tulle weerde kel tuld küllen ei olle olnod.

Gustaw Kirrutant üttel et minna es mäe muud middägi senna jänod muud kui wedi ütsi olli siis kui minna ärrä läksin ja teised jäiwad senna.

Selgemä tunnistusse nöudmisse perräst jääs polele.

Pä kohto mees Paap Kiudorw

Kohto mees Kristian Wössoberg

Kohto mees Jaan Holsting

Kohto mees Jakob Türkson