Nekrut Gustaw Päsing tulli kohto ette ja kaibas et temmä ei olle omma wannembide krami middägi sanod, ja et se perrändus om keik Essäko Peter Jöksi kätte jänod, ja et temmä om Essäko Peter Jöksi 7 aastaiga ilma palgata teemo. Ja et Essäk Peter Jöks temmäle middägi ei olle maksnod palgas. Se perräst pallub Gustaw kohhut palka mõisto. Gustaw Päsingi nõudminne om eggä aasta eest 30 Rubla Peter Jöks eggä aasta eest 10 Rubla pakkus

Kohhus möistis et Peter Jöks eggä aastaja eest peab 15 Rubla palka maksma ja teep 7me aasta eest kokko 105 Rubla palk rahha Gustaw Päsingil Gustaw Päsingil jääs ka 1 Lehm 10 Rubla eest Peter Jöksi kätte. Ja sest 115 Rublast sadap Peter Jöks eggä körd 1 jaggo Gustawil kirjä läbbi perrä ni kauwa kui Gustaw nöwwap posti rahha jääs eggä körd Petre maksa. Rahha saap kohto läbbi sadeto.

Se päle om nemmad teine teisega lepno Kohhus om leppingut kinnitäno.

5 Rubla om Gustaw Päsing ärrä sanod.

Pä kohto mees Paap Kiudorw

Kohto mees Kristian Wössoberg

Kohto mees Jaan Holsting

Kohto mees Paap Kress

Kohto mees Hindrik Toding

Kirjutaja J. Jaanson <allkiri>