Jusal sel 6dal Oktobril 1872. 

Ette astsewa Janipabu Perrisommanik Gotthardt ja poig Rudolph Grünberg, nink kaibsiwa omma rentnik Jaan Mark päele, et se kütwat õddangu ilda rehhe ahjo, ja nemma ollew üts kõrd lännu ärra kistutama, sis oll Jaan neid sõimanu ja Rudolphi kirwega ähwardanu: "Sagu kas kääbas wai pikka tee kõndja." 

Kutsuti Jaan Mark ette ja küssiti, melles ta ni hirmsast sääl majan ellas?  Se üttel: Ma ei olle sõimanu egga keddagi kirwega ähwardanu.  Rudolphi, eddimänne tunnistaja: Liis Wõssu üttel: Kirwest ma es näe, es kule ka ähwarust, tüllitsemist olli kül. Tõine tunnistaja: Liis Ilda üttel: Et Jaan ollew kirwega Rudolphi ähwardanu ja üttelnu: Kui päle tükkit, sis ma kirwe wõtta,  kolmas tunnistaja Mai Märdimäggi üttel: Ma ei olle üttegi kirwest nännu ei ka ähwardamist kuulnu; kui Rudolph läts ahjo wet wiskama, sis tulli suur kärratseminne; nink üttel et Jaan Marka kiusatas ilmasjanda. 

Kohhus mõist: Et neide tunnistaja üttegi perris selgust ei olle wõinu kõnnelda, sis jääp assi tühjas,ja kui eddespiddi särast lorri tullep sääl majan, sis maswa kanget trahwi.  Kohtu mõistmine ja §§ 773,774 loeti neile ette ja ne kolm es olle sellega rahhu, palsiwa Protokolli, mes kohhus es lubba anda. 

Ja mõisteti, Grünbergil ja  Markal kummalgi 1 Rubla koggokonna waeste laati 8 päiwa sissen ärra massa.

                                                                          Pä kohtumees Jaan Tullus  XXX

                                                                           Kohtumees  Jaan Wärs  XXX

                                                                         do    do            Peter Mandli  XXX