Kolmas kohhus selsammal päiwal

Tulli ette Jürri Pärli ja kaibas, et Ludwig Armulik ollew omma hobbese, pühhapäiwahommongo, temma ristikhaina päle pandnu ja hobbene lännu säält keswa rõugu päle nink sääl paljo kurja tennu, ja kui temma olli lännu hobbest kinni wõtma sis om Ludwig essi manno saanu ja tedda hirmsaste sääl ni et kiik palge werrine olli. Kutsuti Ludwig ette, ja nõuti neide asju ülle, se üttel: Minno hobbene olli te weeren, säält lätsi ma tedda koddo tooma, sis tulli Jürri mulle õkwa juuste külge ja kak minno ja lubbasi weel oppata, leije minno mahha ja kui ma alt ulles tulli, sis wõise kül olla et Jürrile puttu ka küüntega suu külge.

Kohhus mõist: Et Ludwig Armulik om omma hobbese Jürri Ristikhaina päle lasknu ja keswa rõugu pääle, massap Ludwig kats rublat (2 Rbl.) trahwi pühhapäiwa kakkelust waeste laati ja Jürri Pärlile 1/6 wak keswi kige ildamb kattesa päiwa sissen ärra.  Perran kohtu ette kulutamist lepsewa mõllemba henne wahhel ärra ja palsiwa omma kaibust taggasi. Mes ka lubbati kohtu poolt. 

                                                        Pä kohtumees Jaan Tullus  XXX

                                                       Kohtumees  J. Wärs  XXX

                                                         do   do      Peter Mandli  XXX