Freintenfeldi herrä Wöbsost tulli kohto ette ja kaibas et Jaan Kolli neide sullane om Anz moisa ladol nimdä sured taossed hobbesel kasa pandno ja se läbbi om hobbese kääl ja rinnad ni ärrä rikkutu et hobbest tallist wälja ei wõi tuwwa ja pälegi om ni hirmus malgaga hobbene ärrä pesseto olno ni et ülle pä 60 Rubla kallis hobbene ärrä rikkoto om ja pälegi tö aig ei olle hobbest ette pando.

Jaan Kolli käest sai küssitu üttel temmä et neod taossed minna pannin mis mul kästi kala panda.

Kohtomees Paap Kiudorw ja Paap Kress ommawä seddä hobbest ülle kaemann käino, ja om leidnowad et se hobbene om olno taostest rikkutu ja ka hirmust wisi ärrä pesseto ni et hobbese teine pool puhhas paisteno ja katki olno

Et Jaan Kolli kohto een suggugi alla heitlik es olle ja seddä hendäle õigusses arwas, om,

Kohhos mõistno et Jaan Kolli se eest 20 witsa lögigä peab karristedos saama.

§773 om ette loeto

Pä kohto mees Paap Kiudorw

Kohto mees Kristian Wössoberg

Kohto mees Jaan Holsting

Kohto mees Paap Kress

Kohto mees Hindrik Toding

Kohto mees Jakob Türkson