Sel 15 Septembril 1886

Kaibas Johan Siimo Krimanist, et  Johan Prikko om temale 2 tükki maad 2 asta päle wälja rentinu, 3 Rubl om tema kumagi tükki est renti astas massnu, minewa asta ollnu temal 1 maa tükki päl kartofli ja tinnawu pidanu tema sinna suwwewilja tegema, ent Johan Prikko om selle maa kewade ärra wõtnu, selle est nõudis Johan Siim 15 Rubl ja tõise maa tükku päl om temal tinnawu Kartofli kohe tema sõnniku om pandnu seda lubawat Johan Prikko tullewa asta ärra wõtta ja pallus, et Kohus temale se maa ka tullewa asta kätte mõistas, kelle est tema sis 3 Rubl masma peab.

 Johan Prikko wastutas, et tema kaibajale neid maatükke 2 asta päle wälja ei olle rentinu ja ei olle selle est ka raha sanu tema om selle maa ilma massuta kartoflid panda andno, kos sis muituki Simo sõnniku pidas pannema, kelle est se maa Kartofli panda om antu.

Johan Simo ütles, et tema 7 Rubl 30 kop Johan Priko kodun ja 4 Rubl Unikülla kõrzin om massnu.

Johan Priko ütles, et tema kodun se raha om sanu ent Unikülla kõrzin ei olle tema raha sanu kus jures aga Unikülla kõrzimees om ollnu se raha om ütte wakka maa rent ollnu.

Päle selle leppisiwa Johan Siem ja Johan Prikko omma wisi seda modu ärra, et Johan Prikko massab 29 Septembril s.a kuus rubl Johan Siemole tagasi ja Johan Siem jääb sest maast ilma kohes Johan Priko Kessa om tennu ja tullewa asta jääb se maa tük, kos Johan Siemol praegu Kartofli om, Johan Siemo kätte, kelle est Johan Siemo aga 3 Rubl peab massma.

Otsus: seda kinnituses protokolli ülles panda.

Kohtumees:  Johan Opman XXX

"  Johan Raswa XXX

"  Johan Kliim XXX

"  Jaan Hansen /allkiri/

Kirjutaja J. Weber /allkiri/