Jusal sel 1 Decembril 1872.

Rabbaso mõtsawaht Jaan Pallosoon tulli ette ja kaibas Jakob Wõssu päle, et se ollew mõtsast kooli puid tuwwen ütte wõõra puu süllest, arwata 1 kruutjalg puid wõtnu, nink nõwwap selle eest 50 kop trahwi, ja ollewat ütte kõiwo kannu raggonu 4 tolli jämme,  selle eest 40 kop. -

Kutsuti Jakob Wõssu kohtu ja küssiti: Melles sa ollet wõõra pu süllest puid wõtnu ja ütte kõiwo kannu raggonu? 

Jakob üttel: Ma es wõtta ennamb kui kats halgo, köüdse alla pista, et koorma ära ei lagone, ja sest kuijonust kõiwo kannust es sa ka ennamb kui kolm halgo.

Kohhus mõist: Et Jakob Wõssu omma kurja tööd es salga ja awalikult ärra sellet illosaste, massap Jakob Wõssu 15 koppekat mõtsa wahhile trahwi, kattesa päiwa sissen ärra; ent neide katte hallo puu wõtmist, ei arwa kohhus tälle selleperrast süüs, et na walla pu olli ja walla tarwinduse päle kiik läwa.

Kohtumõistmine sai mõllembile neile ette loetus, ja sellega olliwa mõllemba rahhu.

                             Pä kohtumees Jaan Tullus  XXX

                             Kohtumees  Jaan Wärs  XX

                                do         Peter Mandli  XXX