Tulli ette Rassina körtsi mees nink kaibap et Potti peter Temma naisega rido om länno nink wina puddelit mis penikest wina pea täüs om olnu ilma näggemadda oma pähho pandno kedda körtsi naine essi omma käega om wälja wötnu, nink perrast sedda kui puttel temma käest om ärra woetu sis om temma wäggisi tüknu körtsi Naist kiskma, kes talle selle kiskmisse man ütte keppiga sörmi päle om lönu, nida et temma tedda rahhu jättasi

Selle asja tunnistaja om Peter Pedokenne kes sedda asja päält om kaenu et kui se assi olles ni lijale länno sis olles temma Körtsi naisele appi länno

kige wimate om Potti peter Sure Söamega körtsi lawwa päält puddelit mis tühjalt nink täwwelt omma olnuwa kik russikuga mahha lönu ni et körtsi mees kaibap weel et temmal sel sammal päiwal wask Pässul ärra om kaddonu arwaten et se om ka Potti Peter ärra wötnu,

Kahjo om sano 

Kohhus Moistap, et Peter Pott peap masma Pässul nink kik kahjo nink weel 20 lööki, ehk nelli Rubla trahwi, selle et temma wäega Sakkest nink pea egga päiwa körtsin pahhantust teep

Peter wöttap prottokolli

Päämees Peter Maddisoon XXX

Josep Tensing XXX

Josep Arik XXX

Peter Zirn XXX