Tõine kohhus selsamal päiwal, 

Ette tulli läsk naine  An Tamm oma Wöörmondrega Jakob Uibo ja kaiwas ütte noore poisi pääle Jaan Mehhin, et se ollew temaga elanu ja tälle ütte poig latse saatnu (kats kuud wanna) ja nõwap nüüd Jaan Mehina käest üts sadda ja wiiskümend rublat hõbb, latse kaswatada.  Kutsuti Jaan Mehhin ette ja küssiti, Kas sa ollet selle läsja naisega, An Tamm, ellanu nink tälle ütte poig latse saatnu? Jaan Mehin üttel: Egga ma selle naise mano es lä; enge tema käwwe iks mo takan ni, et ma kolm kõrd ahjo piddi ärra paggema nink ta es jätta enne rahhule, kooni ma sedda piddi teggema. 

Kohhus mõist: Et se läsk naine An Tamm joba katte latse emma om ja pea kats kõrd ni wana om kui Jaan Mehhin, kes 19 aastat sis wana olli, kui ta sedda teggi;  massap Jaan Mehhin, läsja naisele An Tamm, ennegi egga aasta, Januari kuul 5 Rublat (wiis rublat) 10 aastaiga  se teep ülle kige kokko 50. Rublat hõbb. Selle et naine olles wõinu kül henda ette mõttelda, et ei massa särast asja poisikessega tallitada.  

Kohtumõistmine ja §.§. 773 n 774 sai kohtun käüjile ette loetus; ent Ann Tamm ja temma Wöörmöndre Jakob Uibo, pallel Protokoli wälja, miles weidi mõisteti, mes kohhus lubbas anda.

Protol wälja antu sel 13 Januaril 1873.

(L.S.)                                               

Pä kohtumees Jaan Tullus  XXX

Kohtumees Jaan Wärs  XXX                                                       

          do     "     Peter Mandli  XXX

 Kog. kirjotaja Joh. Leppik