Sel 20 Oktobril 1886

Selle otsuse päle sest 6 Oktobrist s.a  Tõnis Lehepuu kaibusse asjan wasto Johan Toom olli kutsumise päle ette tulnu Tanni tallo sullane  Kusta Pabo,  kes tunistas, et Johan Toom aijanu seda poisi ülles, se ei olle ülles tahtnu tulla ja akkanu wastu kõnelema ja riedlema, mes päle Johan Toom üttelnu, kui sina minu sõna ja käsku ei taha kulda sis wõit sina minost ka ärra minna, selle päle lännu Tõnis Lehhepuu ärra ja ei olle ka tõise kõrra aijamise päle karja lännu.

Karl Luha tunistas, et tema ärra aijamist kuldnu ei olle, seda kuldnu tema kui Johan Toom seda Tõnis Lehepuud karja aijanu, Lehepuu ei olle sis karja lännu ja üttelnu sinna ollet minno ärra aijanu.

Mõistetu: et  Tõnnis Lehepuu nõudmisse kaibus wastu Johan Toom tühjas om mõista, selle et tema omma tahtmisse perra tenistusest ärra om lännu sis ka midagi selle tenitu aija est palka ei wõi nõuda.

Se mõistus sai Johan Toomile kulutedo. Sel 10 Nowembril s.a sai se mõistus  Tõnis Lehepuule kulutedo ja õpetus leht wälja antu.

Kohtumees:  Jürri Kärn XXX

"  Johan Opman XXX

"  Jaan Hansen /allkiri/

"  Johan Kliim XXX

Kirjutaja: J. Weber /allkiri/