Tõine kohhus selsammal päiwal

Jaanpä maja rentnik Jaan Mark tulli ette ja kaibas nimitedu maja perrisomaniku Rudolph Grünbergi päle,  seddasamma, mes jo 19. Mail 1872 Protokoli № 86 koggokonna kohtun sai selletedus; et temma ollew se 2 wakkama kõhna rükka kül Keisriliku Kihhelkonna Kohtu käsu pääle Rudolph Grünbergi nurmest põimnu; ent Rudolph ollew neid rükki ärra pesnu, selle põimise eest, nõwap Jaan Mark 2 Rublit. Nink Janile ei ollew enamb, Ritterschafti maamõõtja arwu perra, rükka saanu, kui 3 1/3 wakkamaa; selle puudus jänu eest nõwwap J. Mark, 2 2/3 wakkama röama rent, 8 Rublat Rudolphi käest nüüd taggasi. 

Kohtu otsus: Selle et Rudolph Grünberg ei olle mitte kogokonna kohtu kässu päle, kolm kõrd järgipitti, kohtu manno tulnu, sis mõist kohhus, ilma R. Grünbergi kohtu pääl ollemata: Rudolph Grünberg peap Jaan Markale 2 Rublit röa põimamist ja 8 Rublit puudus jänu röamaa renti taggasi masma; nink et R. Grünberg kohtu käsku ei olle kuulnu, peap ta kattesa päiwa sissen 3 rublat trahwi masma kogokona waeste laati.  Kohtu mõistmine §§ 773 n. 774 sai Jaan Markile ette loetus, nink Mark jäije sellega rahhule. 

Pä kohtumees Jaan Tullus XXX

Kohtumees Jaan Wärs XXX

do   Peter Mandli XXX

Kirjotaja Joh. Leppik

Protokoll R. Grünbergile Keisr. Kihelk. koht. sel 15 Märzil wäljaantu.

(LS.) Rudolph Grünberg es olle seleperrast selle mõistmisega rahhu, et ta esi ka sääl ei olle  olnu.  Nink J. Mark rüki mitte wasta ei   olle wõtnu.