Sel 27 Oktobril 1886

Tulli ette Johan Kliim ja pallus protokolli wõtta, et temma naise poeg Jaan Annok 8 asta est sõitmise jures omma jalla põlwest katski om murdno, mis weel praegu hädaline peab ollema, seda om sekõrdne kohtumees Johan Link ja Johan Udel ülle kaenu, keda tema sis joba protokolli ülles panda om pallunu, ent nüid seda protokollin leuda ei olle, selleperrast pallub tema neid kohtumehi kulda wõtta ja ka sekõrdsed wallawanembat Jürri Luha, kes kuldnu kui tema seda protokolli wõtta pallunu. Seda tunistust prukiwat tema naise poeg Jaan Anuk, kes sel astal loosi all om, selle tarwis et Nekrudi wastuwõtmise komission näha wõis et se põlwe häda ehk haigus mitte omma tehtu ei olle. 

Sekõrdne Kohtumees Johan Link tunistas, et se õige om et Jaan Annok omma jalla põlwest 8 asta est ärra murdnu om, kellega se pois terwe asta haige ollnu ja et tema seda poissi essi ülle om kaenu.

Enine Wallawanemb Jürri Luha tunistas, et temma seda mälletab et Johan Kliim 8 asta est omma naese poja jalla murdmist protokolli panda om pallonu.

Otsus: et Johan Udel ette om kutsuta.

Kohtumees:  Jürri Kärn XXX

"  Jaan Hansen /allkiri/

"  Johan Opman XXX

"  Johan Raswa XXX