Jusal sel 23. Märzil 1873 olli koggokonna kohhus koon

Ette tulli Wanna Pigaste Wallawannemb Peter Kõrda ja kaibas Jaan Mandli naise Marri pääle, et se ollew temma majast temmalt enne kaubeldu, tüttarlatse (Kellele Peter jo 40 kop käe rahha ollew andnu) - ärra toonu sija Karraskij walda, nink Peter nõwwap nüüd sedda tüttarlast ehk karjost hendale taggasi.  Marri Mandli käest sai küsitus, kas sinna ollet sedda Peter Kõrda karjust wäggise tema majast ärra toonu ja kas Petrel olli enne se karjos kaubeldu? Marri Mandli üttel: Sel latsel ei olle ennamb essa egga emma ellon, enge üts wannemb sõssar (Kes ka Karraskij walan ellap ja siin rewisionin om), ja minna tõije selle latse seperrast ärra, mite wägise, et latse wannemb sõssar, üttel mulle: Minne to se tüttarlats ärra, Peter Kõrda peswat tedda sääl ja ta ei sawat toodgi weidikeist palka mes leppitu olli, kätte; nink Marri Mandli näüdas ütte tähte Soodla walla wannemba käest kos olli kirjotedu: Lena Kiwwi wõip hendale assend otsi kos temma saap ja kige rewisioniga Soodlast wälja minna. 

Kohtu otsus: Selle et sel, tüttarlatsel, Lena Kiwwil muud eest kostjid ei ollew, nink tema wannemb sõssar Marri Kiwwi ni kui wannembide eest tälle weel om perra jäänu, temma ülle wallitsejas;  nink Mari Kiwwi Peter Kõrdale jo Küündle päiwa om teda andnu, et tema se latse ärra Karraskij walda toop ja tema Rewisioni;  

mõist kohhus:  Se karjos Lena Kiwwi  jääp Marri Mandlile, selle et Lena esi weel noor om ja wannemba sõssara ülle kullemise al ellap.  Käe rahha 40 koppikut, mes Lena Petri käest om wõtnu massap kattewõrdne: 80 koppikut Petrile tagasi ja se näddal, mes ta enne aiga om säält ärra tulnu om ta siin Karraskij koolin käünu;  Ni kui täl säädus koolin käwwa om.  Kohtu mõistmine ja §.§. 773 n. 774 sai kohtun  käüjile ette kuulutedus; ent Peter Kõrda es olle mõistmisega seperrast mitte rahhu, melles temma rahha ollew Lena Kiwwi käen ja Marri Mandli Lena enne aiga ärra toonu, Peter Pallel Protokoli, mes kohhus lubbas ka anda.

(L.S.)  Protokol wälja antu sel 24. Märzil 73

Pä kohtumees Jaan Tullus  XXX

Kohtumees Jakob Uibo  XXX

  do      Peter Mandli  XXX

        ja  Jaan Wärs  XXX

Kirjutaja Joh. Leppik