Jusal sel 20 Aprilil 1873. olli kogokonna kohhus koon

Oppetaja herra G. v. Holst kirja pääle saije Jaan Mark abbiello rikmise assi selletedus: Ette kutsuti ediimane tunistaja Pikka maja perrisomanik Otto Grünbergi herra, Se üttel küssimise pääle: Suure neljapäiwa tulli Jaan Marka naine mo tarre ja üttel: Tulge keama! minno mees hooras Marri Saarnaga; ja O. Grünberg essi üttel ka et eddimätse pühha õddangu om Marri Saarna kaotsin olnu. 

Tõine tunnistaja, tüttarlats Mai Ilda üttel: "Ma näije et üts kõrd ööse kella 12 aiga läts Marri mo kõrwalt ärra ja teiwa Jaan Markaga asseme põrmandule, nink Jaan olli Marril kõttu pääl; Nink tõist kõrd päiwa olliwa J. Mark M. Saarnaga O. Grünbergi herra köögin ümbre kaala kinni wõtnu nink Marril olliwa rõiwa eest ülles wõetu, sis lask mahha, kui ma kööki lätsi. 

Kolmas tunnistaja, wöörmöndre Taniel Wõso üttel: Jaan Marka naine üttel mulle, et lahhutage litsi mo mehhest wai minno; egga minna kohtu manno minnä ei tohhi, mehhe kurjuse perrast, nisamma üttel ka wallawannemb J. Ratnik. 

Tüdrik Marri Saarna kutsuti ette ja küsiti kas Sa ollet Jaan Markale naise eest olnu ja temaga ellanu? Se üttel suure wabandamisega, et temma ei olle Jaaniga ütte ellanu, ei teedwat ka sest midagi.

Adam Mäele kutsuti ette ja küsiti, kas Sa näit kui Jaan Mark  Marri Saarna mant üts kõrd ööse olli lännu? Se üttel: Ma tood meest es tunne pimmega; ent penni kül hauk wäga tassa kui ta morro pitte aste. 

Kutsu Jaan Mark ette ja küsiti, kas sa ollet omma tüdrikuga Marri Saarnaga ütte ellanu? Se üttel: Kes säärast wõls juttu minno pääle wõip kõnnelda, se tekku sedda wandega tõttes; sedda trotsi ma ei jätta Se om wõls.

Kohhus mõist: Otto Ludwig Grünbergi herra peap se tüdrik Marri Saarna hommen sel 21 Aprilil kel 8. hommongo ommast majast wälja pesma, ja tüdrik ei wõi ennamb mitte Karraskij koggokonda jääda. Nink Jaan Mark ei tohhi oma abbiello naist, eddespäidi mitte ennamb märätselgi wisel tõrrelda ei ka ähwardada, selle asja perrast; kui sedda weel ette tullep sis saap Jaan kangeste kogokonna kohtu poolt trahwitus.  Perran Protokolli ette luggemist üttel Jaan Mark: Kui ma koddo läha, sis anna jallaga naisele persehe ja sada minnema;  Selle eest pand kohhus Jaan Markale weel kats (2) rublat trahwi kogokonna waeste laati 8. päiwa sissen ärra massa. 

Sellega es olle Jaan Mark mitte rahhu, melles temma pääle wõlsitas, ja pallel Protokolli wälja, mes kohhus es lubba anda.

Kohtumees Jakob Uibo XXX

do                 Peter Mandli XXX

abbikohtm. Mihkli Wõso XXX

Protokoll sel   Julil 73.kohto nõudmise perra Kihhelkonda saadetu