Tõine kohhus sel 20 Aprilil. 73. 

Ette tulli Jaan Mark ja kaibas omma maja perre pääle; et temmal ollew rahha ärra warrastedu nimmelt: 20 rublit selget rahha, kats Qitungi, ütte pääl 1 1/2 rublat ja tõise pääl 3 rublit, se om kokko  24 1/2 rublit, ja sedda rahha pandmist om temma sullane Mihkli  Loodus nännu; nink Jaan om essi wälja lännu ja lawwa suhwli wõtme latse kätte andnu ja Mihkli om ütsinda kambren olnu.  tood aiga olli 1 1/2  lännü kui rahha sinnä pandi ja jälle perra kaeti. Tüdrik Matle Jannes ja kodapoolik Liis Wõsso olliwa ka ütstõise takan ütte tükki aiga ütsinda kambren olnu nink Rudolph Grünberg ka.

Mihkli Loodus kutsuti ette ja küssiti, kas sa tijat, perremehhe Jaan Mark rahha wargusest middagi? Se üttel Jaan Mark pand rahha kotti lawwa suhwlihe, pand suhwli lukku ja pand suhwli wõtme henda taskihe; ma ei olle rahha wõtnu. Kodapolik Liis Wõsso üttel: Rahha ollew täl wõetu; ent sest wõtmisest ei tija ma middagi.  Tütrik Matle Jannes üttel: Ma lätsi kambrehe, pästi jalla wallale, sis joosi aidamanno, panni sääl rõiwihe, se aja seen olli Rudolp Grünberg ka kambrest jo mulle wasta tulleman, ma tija rahast midagi. 

Rudolph Grünberg üttel: Ma lätsi kambrehe ja hullasi Matlega, sis jäi ma sängi päle sällitama, nink Matle läts mõsk su ja pand aidaman rõiwihe ja ma lätsi ka kambrest wälja, Matle tulli mule läwwe pääl wasta; minna ei olle rahha wõtnu. 

Kohhus mõist: Et selle asja man üttegi selget tunnistust ei olle, sis peawa ne nelli innemist, sest kadonust rahhast ülle hulga 14 rublit masma nimmelt nida: Mihkli Loodus 5 rublit, selle et ta selgeste näggi kui Jaan rahha  suhwlihe pand, tõise kolm Liis Wõso, Matle Jannos ja Rudolph Grünberg maswa ega üts kolm rublat, selle et ne es tija sest raha pandmisest midagi ja et na wäga weidi aiga ütsinda kambren olliwa olnu.  Kohtu mõistmine ja §.§ 773 n. 774 sai kohtun käüjile ette loetus; ent Rudolph Grünberg es olle sellega mitte rahhu, ja tahhap et kiik peawa Kihhelkonna kohtun wannutedus sama; ja pallel Protokolli, mes kohhus lubbas ka anda.

Kohtu mees Jakob Uibo XXX

do   Peter Mandli XXX

abbi   Mihkli Wõso XXX

Kirjutaja Joh. Leppik [allkiri]

Protokol sel 22. Aprilil 1873.wälja antu.                                                                                               

(L S)