Gustaw Raudask moisast kaibas, et moisa Sepp Peter Märdi om temmä maija lanno ja sääl teddä pähhä lönod 1 körd käega selle eest et temmä om moisa röä päält Seppä lehmäd kündi aijano Ja kui Sepp om löno üttel Gustaw henda mahha kukno ollewad.

Sepp Peter Märdi käest sai küssitu üttel temmä, et lehmäd om Abrami Aija tade josno ja säält om temmä kindi aijano minna läksin küssimä kas lehmäd röä pääl olliwäd ja temmä üttel et minul ei prugi sinnuga middägi kõnnelda siis minna tullin ärrä agga lömist es olle mitte ja minna ei olle kätt temmä külgi pandno.

Tohter ei olle rassea lömisse märki middägi leidno.

Gustaw Punning tunnistas et temmä lömist ei olle nänno agga seddä et temmä maan om olno om temmä kül nänno ja Gustaw Punning om Gustaw Raudnaski ka maast ülles awitano.

Kohhos mõistis, et Peter Sepp Märdi peab 1 R trahwi waeste ladikus selle eest, et temmä Gustaw Raudaski maija om länno.

Pä kohtomees Paap Kiudorw

Kohto mees Kristian Wössoberg

Kohtomees Jaan Holsting

Kohtomees Paap Kress

§773 om ette loeto

19 Aprillil wäjaanto