Ette tuli Katri Troska ja nõudse Alexander Massin käest oma kadunu mehe wõlga 50 rbl. kätte, mis pääle ka Mossin üte wõla kirja oli andnu nink omas tunnistas. Wõla kirja perra om Mossinal 5 protsenti ruubli päält massa. Mossin ütleb, et se protsent olewat ega aasta äramassetu, aga Katri Troska ütleb, et olewat weel masmata. Mossin olewat ütskõrd Johan Troskale üte põrssa andnu nink se olewat raha protsendi eest olnu, aga Katri Troska ütleb, et selle põrssa wasta olewat Mossin üte nelja nädlitse wasika saanu. Jakob Troska Lutt. usku ütleb kuulnu olewat, et Mossin olewat ütelnu: Nii kawwa, kui mul raha wõlgu om, massa mina 5 Kop. rbl. päält protsenti nink jahwatus om prii. Mossin ütleb, et ennegi üte aasta protsent olla masmata.

Mõisteti:

Kuna Alexander Mossinal Johan Troskale wõla kirja perra 50 Rbl. massa om, millest 10 rbl. massetu olewat, sis peab Mossin oma wõlga siin 14. päiwa seen äramasma, ent nõudmine jahwatus matti üle, kuna kumbalgi selle üle tunnistust ei ole, kas se massetu ehk masmata om, sai tühjas mõistetu.

Pääkohtumees: F. Koiw [allkiri]

kohtumees: I. Juull [allkiri]

abi: F. Häusler [allkiri]

Mossin 24. März prot. wäljanõudnu

              31.  "       wäljaantu

Mossin Troskale 40 rbl. wõlga masnu

      "           "           4   " 45 kop. tööraha

Tähendus: Se tööraha 4 rbl. 45 kop. es ole mitte protokolli üleswõetu.