Kui se 7 Mail Wöbsost kaupmees Tamme kaibus ette olli loeto tunnistas Nikkifor kes Jürri Ahjo om tenno et Jürri naine töi enne 1 körd hendä perrän ja 1 körd hobbesega tonod neid polikid kiwwisid agga kui paljo seddä ei tea ja se om kolmas körd olnod, kui Jürri kindi olli wõeto ja sest kindi wõeto kormast om ka Nikkifor Karätsing 10 poolt wötno ja ärrä pruukno agga neo ennitsed todo kiwwi poled om Ahjo tarbis ärrä prugitu

Wöbso Polizei wannemb Jakobson tunnistas et Jürri Treijer om tonod neo kiwwid, säält kus minnewä aasta unnikus om olnod, ja kust Pihkwas ärrä om weeto, ja neid perrä jänod kiwwi poli om Jürri tonod.

Jürri Treijer käest sai küssitu üttel temmä et 1 ainos körd minna neid kiwwi poli tõin eddimält Tamme käest küssin temmä es lubba siis minna issi ilma lubbata tõin üttel Jürri.

Kaupmees Tamme käest sai küssitu üttel temmä, et minna ei olle weel Schmitti Härrä käest tedä sanod, kui paljo neid pudus om. Selle tunnistusse perräst jääs polele.

Pä kohtomees Paap Kiudorw

Kohtomees Kristian Wössoberg

Kohtomees Jaan Holsting