Kattessas kohhus selsammal päiwal,

Ette tulli Karraskij moisa rentnik, Heinrich Sirach, ja kaibas et, Jaan Kepp, ja Hindrik Sibbol, ollewat perris herra von Molleri Ree rawwa alt ärra warrastanu, nink Jaan Raig´al se reeraud ärra münu, Kutsuti Jaan Kepp ette, ja sai küssitus kost temma raud om sanu, Se üttel, Hindrik Sibbol and mulle se rawwa ja üttel kewwaja Warbusse poolt löüdwat. Ja kui minna kuuli et se raud warrastedu olli, sis anni minna se rawwa H. Sibbolale, taggasi, 

Kutsuti Hindrik Sibbol, ette, ja sai küssitus, kuis se reerawwa wargus om, kes jälleki ütles, minna olle se rawwa Zolgi poolt tee päält löüdnu, kui Jaan Kepp se rawwa taggasi andse, sis möije minna se rawwa Jaan Raig´ale ärra 65. kopika est. 

Kutsuti Jaan Raig, ette kes ka es woi sallata, enge üttel minna olle kül ostnu Hindrik Sibbola üts reeraud ja massi temmale 65. kopikat, Ent minna küsse temma kaest, kost sa se reerawwa sait, temma üttel mulle, minna käwwe Tartun, ja Tartu tee päält löüsi. 

Kohto otsus  Kohhus moist, Jaan Raig peap se herra ree raud warsti moisa tooma ja rentniko kätte ärra andma, nink temma  trahw kui wargusse hää ostminne ehk wasta wõtminne jääb perris herra von Molleri hooles.  Ent Hindrik Sibbol, saab 20. witsa selle et just se herra ree raud om warrastanu.

                                         All kirri