Räppinä walla Wannemb Peter Jagomann andis ülles, et wöölmünder Gustaw Zupsmann, om ütte wangi tonod Kahkwalt sadeto, mis Kahkwa mötsawaht mötsast kui paggeiat kartowle kütsämisse mant kindi om wõtnod, et se inniminne Kristian Höräwik kül Räppinä koggokonna inniminne om, agga siiski et temmä 3mas aastaig jo mitte koppikud walla makso ei olle maksnod, ja pälegi om temmä keik seddä aigo ilma passita olno, ilma et Räppinä walla wallitsus olles teedno, temmä ello paika kui paggeial.

Kristian Hörawikki käest sai küssitu, üttel temmä et temmä om Praakmannin Losi karja moisan olno wastselinna kihhelkonnan, ja et temmä om säält 12 Rubla rahha ärrä warrastano kastist, mis ülle temmä  Keiserlikko Werromakohto man om olno, ja perräst Keiserlikko Tarto Landgkwisti kohto mann kust teddä wälja om lasti kirjägä, mis temmä Räppinäle om piddano toma, Agga selle Keiserlikko kohto kirjagä om temmä Petsehoris länno, ja et säält om teddä tahheto kindi köita, siis om temmä ärrä paggeno, Kahkwa mötsa, kust Kahkwa mötsa waht Juhhan Klömps teddä om kindi wötno.

Temmä naine Wijo elläb Räppinä wallan Nulga küllän omma katte tüttär lapsega.

Kohto otsus, §1070 perr' Räppinä koggokonna kohhus annap allandlikku palwega seddä asja Keiserlikko Werroma kohto selle wangi Kristian Hörawikkiga selletädä.

Seddä kirjä ei olle temmä mitte Räppinäle tonod.

Pä kohtomees Paap Kiudorw

Kohtomees Kristian Wössoberg

Kohtomees Paap Kress

6ta Augustil Werrole anto No 361