Täembä sel 11 Septembril käisid koggokonna kohhos ja 3 wöölmündrid Preestri Lebedewi aian kahjo ülle kaemann mis Räppinä moisa Wassikide läbbi olli sündinud ja teist körd käis koggokonna kohhus ja neo samma wöölmündrid prottokoli ja rahha wimän ja wassikid wäljä palluman päle kohto otsuse kulutamist, Agga Preester Lebedew töi prottokoli koggokonna kohtul taggasi neide sannadega, seddä prottokoli minna ei wötta wasto, möiste ümber päkohto mees üttel ümber meije ei möista meije pallume wassikid Preester Lebedew üttel wassikid minna ei anna mitte kätte enne kui makse minno kahjo ärrä, ja es wötta ka möistetu rahha wastu.

Kolmat korda läks koggokonna kohhus Preester Lebewewi manno wassikid wäljä palluma kui päkohto mees üttel Auwalik Preestre Herrä olge nie hea ja andke wassikad ärrä wäljä Teije wöite kaiwata suremba kohtule omma kahjo perräst, Ja kui Teije ei anna siis meije wöttame, siis Preester üttel tulge tulge padjom ja hakkas köigist wäljä minnemä wäljä minneki pääl üttel Preester kas Teije tahhate rööwi se om minno hoow sija ei tohhi sissi tulla läks issi howi sissi ja pandis usse kindi ja üttel tulge nüüd sissi se om minnu hoow.

Pä kohtomees Paap Kiudorw

Kohtomees Kristian Wössoberg

Kohtomees Paap Kress

Kohtomees Hindrik Toding