Teine kohhus, nesamma kohtomehhe mann. -

Tulli ette Wija maija perrisommanik maamõõtja O. Grünberg, ja kaibas omma wanna rentniko Jürrij Pertli pääle, 1, temma zea ollewa ristikhaina ärra zongnu, 2, rükki nisammuste  3, kopli ka. - 4, aija ja kattusse ilma parrandamatta, - 5, lauda ust koggoni ärra, 6,                3 lambast olnu ristik hainapääl, mes kinni aetu ja üts  ö ja päiw kinni olnuwa. - 7, nink kerriko puie est, et ei olle wälja toodu. -

Kutsuti ette rentnik Jürrij Pertli, kes wälja ütles, et ristik haina, röä ja kopli zongiminne ei puttu mulle middagi, aija ja kattusse olliwa nisamma kui praego omma, lauda ust es olle een, sedda woip Jaan Mark tunnistada, lamba aeti mulla paalt kinni selle est minna ka ei massa, ja kerriko puie perrast ütles, minna olles raggonu ja wälja tonu kui minul olles mõtsa juhhatedu.

Kutsuti ette Jaan Mark, kes wälja ütles, ristikhaina, rükkij ja kopli zongitu ollewat, aija ja kattusse, omma ni olnu kui praegu, lauda uss om een olnu muud ei tija minna middagi. -

Kohto otsus.  Kohhus moist, et kohto üllekaemisse perra, om se ristikhaina maa arwata 273. wakkamaad, pool sest jääb teise rentniko jaus, nink Jürrij Pertli, massap selle 1/3. wakkama est, kahjotassomist      ----------------------------------- 3. Rubla.-

ja rükki ülle kaemisse mann, ei olle kohhus süüdi leidnu.- jääp tühjas.

Kopli zongiminne ei olle ni waega suur                                                                         ------------------------------   -        25 kop.

Aija ja kattusse, tunnistusse perra, jääp nisamma, lauda uss om een olnu, peap jälle ette pandma,

kui ei panne, massap üts rubla, kolme lamba kinni ajaminne,                                     -------------------------------         50 kop

3me lamba söötminne, a´5 kop. pää päält                                  ------------------------------------------------  -          15. -

1/2 sülda kerriko puid, peap säält raijoma ja wälja toma kost, näüdatas muido massap             --------------------         50. kop.

Sai kohtomoistminne ja § 773n: 774. kohtun käüjatele ette loetus, ent Jürrij Pertli es olle sellega rahhul, nink pallel

Protokolli, mis kohhus mitte es lubba anda.-

                                        Pää kohtomees  Jaan Tullus  XXX

                                          Mannistja       Peter Mandli  XXX

                                          Mannistja       Jakob Uibo    XXX

Karraskij Koggokonna kohto maijan sel 18mal May 1873.

Sel 19nel Junil 73 wälja kirjotedu kohto kässu pääle.