Räppina moisa wallitsusse polest kaibati kohto een, et Gustaw Norrosk Jama külläst, om moisa haina päält haino niitno omma loaga selle perräst pallub moisa wallitsus teddä trahwi, et temmä ülle kelo hainad ärrä wiis.

Gustaw Norroski käest sai küssitu üttel temmä, et temmä om moisa herrä käest 1 wakkama linna kokko wõtno selle eest, et kui moisa omma haina ärrä teep et siis mis ülle jääp om temmäle.

Writs Solnask wöölmünder tunnistas et Gustaw Norrosk arwato rattaste reddei täis haino om niitno moisa nurme alt 30 sammo pik 23 sammo lai ärrä nideto kottus.

Tunnistusse perräst jääs polele 29 Oktobrini.

Pä kohtomees Paap Kiudorw

Kohtomees Kristian Wössoberg

Kohtomees Jaan Holsting