Jakob Schmalz Könnost perrismaa piddäja tulli kohto ette ja nöudis seddä rahha 12 Rubla 5 kop mis 30ne Aprillil 1869 kohto mõistusse sissen temmäl Iwan Morrosowi käest sada om.

Iwan Morrosow sai ette nõutud ja käsk anto rahha ärrä maksa Iwan üttel, et temmäl kustki maksa ei olle, ja et temmä ei maksa ka nüüd, küssimisse päle üttel Iwan et temma om omma linnad Soe Janil ärrä münod ülle kohto kässo, mis kohhus kelo alla olli pandno ja rahha Essäl leiwä päle andno, mis enne wölgo olno wöeto ja üttel 4 wakka keswi mul om üttel Iwan, wõtke neod, Iwanil sai käsk anto keswäd issi ärrä müwwä ja rahha Schmalzil anda. Iwan es wõtta kohto käsko kulda ja es lubba tärminid täitä. Selle eest et Iwan kohtule wasto törkuja olli

Moistis kohhos et Iwan peab 12 witsa lögiga karristedus sama, selle eest et temmä kohto kasko ei täidä ja sanna ei kule.

§773 om ette kulutedo

Kui Iwan karristedus sai siis es lubba Iwan ennämb suggugi maksa.

Pä kohtomees Paap Kiudorw

Kohtomees Kristian Wössoberg

Kohtomees Jaan Holsting

Kohtomees Jakob Türkson

Kohtomees Paap Kress

29 Oktobril No 455 al wäljaanto