Räppinä wallast Ewa Kriggulson Tosikatsi külläst kaibas kohto een, et Gustaw Parmson Tammistult temmägä om elläno 1868 aastajal enne Jani päiwä 2 näddälid sitta widdämisse aig, ja 1869 aastal enne kapsta marja päiwä näddäl wõi 2 om tüttär sanod Ewäl, ja nüüd pallub Ewa kohho möista, lapse ülles piddämisses toita.

Gustaw Parmsoni käest sai küssitu, üttel temmä et temmä om Rainowal kül Ewaga ütten maggano 2 ööd, agga ei olle mitte teddä putno.

Ewa üttel et mis perräst sinna es puttu kust mul siis laps sai. Ewa om Rainowal olno sel körral 2 päiwä sitta laotaman, selle perräst om temmä 2 ööd sääl olno ja maggano ja 2 ööd om temmä Gustawiga seddä tööd tenno üttel Ewa

Gustaw om Ewat omma manno maggama wino ütten Aidan kus nemmäd om maggano.

Gustaw Parmson tunnistas issi omma su sannaga et temmä Ewa om omma jurde sängi maggama tõmmano Gustaw Parmson om Kahkwa inniminne elläb Räppinä wallan.

Tunnistusse perräst jääs polele 2 näddäli päle selle selle perräst et Gustaw üttel et paljo peab neid ollema kes Ewa man om käino.

Pä kohtomees Paap Kiudorw

Kohtomees Kristian Wössoberg

 Jaan Holsting