Kolmas kohhus selsamal päiwal,

Tulli ette, Musti Mõtsawacht Jaan Palloson, ja kaibas et, Jalgsimameeste Tütriko, omma Kudduse Lanen, ärra Keeltu Raendikust haina poimnuwa, konn Risti sissen om olnu,(mes perris Herra poolt, ja Mõtsa üllembist koggoni ärra keeltu, nink kinni pantu om,) nink nimmelt, 1, Marri ja 2,An Raig, 3, An Jaus 4 Jula    ....., nink 5, Anne Likker, ja nõwwap innimesse paalt 3. Rubla. 

Saiwa ette kutsutus, kik üttelisse, ja kes küssimisse pääle sukkugi es salga, et nemma sääl Keeltu Raendun ei olle olnu, enge ütliwa 2 neist lännu Siugu matma, ja teise 3. länuwa perra kaema muidu, ent haina ei ollewat sukkugi poimnuwa, ni om Mõtsawaht manu saanu, ja wõtnu neljal tükkil Pääratti ärra. 

Otsus    Kohus moist, et kahjo Suurembat ei olle tettu, ent siski Keeltu maa pääle omma lännu, eddimalt, massap eggaüts  50. kop: (kui teine kõrd  peasiwa minnema massawa toppelt,) Trahwi, mes 8. päiwa sissen peap ärra massetu ollema.  Sai kohtomoistminne, ja § 773.n: 774. kohtun käüjatele ette loetus, kea rahhuga ärra lätsiwa. 

Eenistja, Jaan Tullus. XXX

Mannistja, Peter Mandli  XXX

Mannistja, Jakob Uibo  XXX