Karraskij Koggokonna Kohhus sel 6mal Julil 1873.

Tulli ette, Lesk (Michkli poig) Jaan Raig, kes teist kõrda AbbiEllo sisse tahtse minna, ja saije Saedusse perra temma Warrandus kuwwes jaus jautedus, nink nimmelt wiele Latsele, ja kuwwes Essa Jaan Raig essi. 

1, Warranduse ülles wõtminne, 2 Lehma, 1. Õhwakenne, 1. Lammas, 1. wanna Hobbene, 1. Wanna rawwutedu Wanger, ja Wastne Reiwa Kirst. 

Otsus      Keiserliko Majestati kõige Wenerigi ise Walitseja käsu pääle, saije se üllewal nimmetedu Warrandus ärra jaetus, nink nimmelt sedda sedda wisi.  

1, Se wanna Hobbene mes 15. Rubla wärt arwatu, 2.le wanembale poijale Mihkli, ja Johannile, pooles.  Saawa kumbgi 7 1/2 rubla. 

2, Kolmas, poig Adam, saap 1. Lehm, mes 10. rubla wärt arwatu. 

3, neljas, tüttar, Marri, saap Õhwakene, ja reiwa Kirt, kumbgi 5. rubla wärt arwatu. 

4, wies, tüttar, Liis, saap se teine lehm, mes ka 10. rubla wärt arwatu. 

5, ja Essa, Jaan Raig´ale, jääp Lammas, Wankre, ja muido kram,

ne, 2. wannembat, Last, saawa selle perrast, 2 1/2 rubla wähhämb, et omma jo ärra koolitedu, ja teise tahtwa weel koolitamist.  Se Warrandus jääp. Jaan Raig, kätte, Koggokonna Kohto üllekaemisse alla.

Jusal sel 6mal Julil 1873.   

Eenistja Jaan Tullus  XXX

Mannistja Peter Mandli  XXX

Mannistja  Jakob Uibo  XXX