Teine kohhus selsamal paiwal

Tulli ette Musti Mõtsawaht Jaan Lalloson, ja kaibas et Krotusse Naise omma Kudduse Laanen, ärra Keletu Raendiko päält haino poimnuwa, nink nimmelt, Jaani Naine Marri Liter, Karli tüttar Maie Kaart, ja Jaani tüttar Maie Tiggane, nink wõtnu eggaütte käest Zirbi ärra.  Saiwa ette kutsutus, ne üllewal nimmitedu Naisterahwas eggaüts, nink küsitus, kas se nida om, kea ka es salgawa enge ütliwa nida õige ollewat. 

Otsus    Keiserliko Majestäti Keige wenerigi isewalitseja Käsu pääle Moistis kohhus, eggaüts massap 1. rubla, se om ütte kokko kolm rubla trahwi, (selle est et wõõra walla rahwas ei tohhi teise Moisa maa pääle minna) nink nimmelt sedda wisi, 75 kopik waeste Ladi, ülle kolme, ja 2 Rubla 25. kop Mõtsawahhile, mes 8. päiwa sissen peap ärra massetu ollema. Sai kohtomoistminne ja § 773n 774. kohtun käüjattele ette loetus nink ärra lastus. 

Karraskij Kohtomajan sel 6mal Julil 73.                       

Eenistja Jaan Tullus.  XXX

Mannistja   Peter Mandli.  XXX

Mannistja  Jakob Uibo.  XXX