Ette tuli Katri Kõiw ja kaibas, et temal olewat Tannil Kõiw käest osa jagu nõuda selle põhjuse pääl, et Katri Kõiw mees Johan ja Tannil Kõiw esa Jaan olewa welitse olnu ja neide jagu warandust Tannil Kõiw kätte jäänu. Johan Kõiw olewat sääl majan kuni elu otsani elanu. Johan ja Jaan Kõiw esa olewat senna maija tulnu.

Katri Kõiw mees Johan Kõiw olewat pidanu osa jagu saama üts hobene, üts ziga ja raudwankri. Seda aigu om päält 10 aastat aigu, kui oli pidanu jautama. Ziga olewat kätte saanu.

Hobune olewat 60 rbl. wäärt ja wankri 10 rbl. wäärt olnu, summa 70 rbl. Tannil Kõiw tuli ette nink selet, et tema oli ütskõrd oma lella Johanile 25 rbl. andnu, mis perast jälle temma (Tannil Kõiw) kätte tagasi saanu. Ne hobuse, mis siss, kui Tannil Kõiw maja henda kätte oli saanu, oliwa kõhnakese olnu, üte oli tema 3 rbl., tõise 5. rbl. eest äramüünu.

Tannil Kõiw olewat oma lella pääle kulutanu:

Lella kate haiguse aasta söögiraha                 20 rbl  - kop.

lella puhte pääle                                                13   "    -    "

zikka               "                                                     5   "     -    "

mattusse plats                                                     3   "    60  "

lellatütre Anne pulme pääle                             15   "     -    "

                                             Summa:                  56 rbl. 60 Kop.

Mõisteti:

Kae protokolli otsus No 22 s.a.

Pääkohtumehe abi: Fr. Häusler  [allkiri]

kohtumees: J. Pruwlj [allkiri]

       "              I. Juul [allkiri]

Se kohtumõistus saije kohtunkäijile kuulutedus n.n.e.

Tannil Kõiw 23. Junil c. protokolli nõudnu.

Katri Kõiw      "                              "

Katri Kõiw 29. Junil protokolli wäljasaanu.