№ 6

Sel 14 Januaril 1891.

Kaibas tüdruk Alwine Sawik, et enne Jõulu om Jaan Woiter teda pessnu ja nimelt wasto pääd. Alwine Sawik nõuab 50 rubl selle pessmise est, selle et tema pääst koguni ärra om pessetu.

Alwine Sawik /allkiri/

Jaan Woiter wastutas, et tema Alwine Sawikut pessnu ei olle kui tema pessnu olles sis olles kaibaja hennast näitama pidanu.

Jaan Woiter /allkiri/

Alwine Sawik andis tunistajas ülles Johan Wirro kes Tarto linnan Kolitarre ulitzen N 22 ellab, kes seda pessmist om nännu.

Alwine Sawik /allkiri/

Johan Wirro wasto es olle Jaan Woiteril midagi ütlemist.

Johan Wirro, kes Tarto linnan Kolitarre ulitzen N 22 ellab tunistas, et tema seda pessmist just nännu ei olle, ent kõmin ollnu tarren ja perremees Jaan Sawik kaenu läbbi akna tarre ja üttelnu pois, mis sinna teet ja kutsunu Jaan Woiteri kambre. Sis tullnu ka Alwine Sawik kambre ja ikkenu ja tema nägu ollnu ülles paisenu ja Jaan Woiter üttelnu sis küssimise päle, et selle et tüdruk teda sõimanu om temma tüdrukut pessnu. Kambren ei olle Jaan Woiter ka rahul ollnu sis om Jaan Sawik selle Jaan Woiteri ette kambre aijanu ja eeskambren wõtnu Jaan Woiter raud kange ja  üttelnu tullge nüid kurradi perralt ette maa tappa keik teid kui ollen Zibberin sis ollen Zibberin.

Johan Wirro nõudis päiwa palka.

Juhhan Wirro /allkiri/

Mõistetu: et Jaan Woiter trahwi säduse § 1098 perra 3 rubl walloraha Alwine Sawikele 8 päiwa sehen peab massma ja om 24 tunni päle kinni panda, selle et tema Alwine Sawiket pessnu om. Tunistaja Johan Wirro saab 1 rubl päiwa palka, seda peab Jaan Woiter massma.

Se mõistus sai kulutedo.

Jaan Woiter /allkiri/   Alwine Sawik /allkiri/

Päkohtumees: Jaan Wirro XXX

Kohtumees: Jakob Saks /allkiri/

"  Jaan Treijal /allkiri/

1 rubl päiwa palka sai Johan Wirro warsti kätte, keda perremees Jaan Sawik sehen ollewast palkast ärra massis.