Teine kohhus selsammal päiwal, 

Tulli ette Serristu Moisa Wallitsuse assemnik, Mõtsawacht, Jaan Hääl, nink Kaibas, et, Johan Seeme, 2. hobbest ollewa lännu ülle ütte posti wahhe Rükkij Orrasse, Kaara Rõugu pääle, ja sääl omma kaaru Söönuwa Rõugu pääl, ent temma essi ei ollewa mitte nännu. 

2.selt  Seesamma Kaibaja, ütles jälle, et Johan Seeme, 2 hobbest ollewa Oesi lännu Serristu Moisa Hobbeste mannu Ristik haina Söödi pääle, nink Oe, ehk Moisa hobbeste wacht, om neid kinni wõtnu. tullemisse pääl, Tunnistada woiwat sedda. - 1.malt Peter Pill, 2,selt Johan Herman(n), ja 3,mas Marri Siewas. 

1,se punktipääle, kutsuti ette, Tunnistaja Peter Pill, kes wälja ütles, üts hobbene om Kablan olnu, ent teine hobbene om Röä weerde lännu, ja om jälle teise hobbese mannu taggasi lännu.  Ent Röä pääl ollewat, ei olle temma mitte nänno.  Nink Kara Röüke ei ollewat sukkuki olnu. 

2,ne Tunnistaja Johan Herman sai ette kutsutus, ja küsitus, kes wälja ütles nida oige ollewat kui eddimane tunnistaja om ülles üttelnu.

2,se  punkti pääle, kutsuti ette Peter Pill, (Tunnistaja). Kes wälja ütles, et Johan Seeme, 2. hobbest, omma tulnu Oesi Serristo Moisa hobbeste mannu, ja temma (Peter Pill om Moisa Hobbeste wacht) wõtnu neid kinni, sis om Johan Seeme tulnu, ja pallelnu hendal, ütte hobbest kätte, ja teine hobbene om seni pandis jänu kui assi saap selletedus; Ent se J. Seeme sullane, Kusta Pusep om tulnu, kui temma om magganu, nink wõtnu se teine hobbene ka ärra.  Sedda woiwat selgembidde tunnistada Marri Siewas. 

Kutsuti ette Marri Siewas, kes wälja ütles, et temma ollewa nännu kui Johan Seeme, sullane Kusta Pusep, ollewa tulnu, ja wõtnu se teine hobbene kablast wallale, ja pandnu se kabla puhma pääle nink winu se hobbese ärra. 

Kutsuti ette Perremees, Johan Seeme, kes küll kik ütles ennämbiste õige ollewat tunnistuse perra, ent monne asja mann, olli wasta pannemist. 

Selle pääle kutsuti tunnistaja Peter Pill, ette, kes mõnda asja arra õijendas, ent wimate, mitma kõrra kohto keelmisega perra es kuule, pessis ommi russikit Johan Seeme Näggo wasta kokko.  Kohto peegli Een. 

Otsus   Keiserliko Majestäti Keige wenne rigi essi Wallitseja, kässu pääle,

Moistis kohhus  Eesmalt, et tunnistaja Peter Pill, om henda Kohto Peegli een ilm Säädusselikkult, ülles piddanu, ja ei olle Kohto Keeldu kuulnu, massap temma 3. rubla waeste Laadi trahwi mes kattesa päiwa perrast peap ärra massetu ollema. 

Teiselt   Serristo Moisawallitsusse Assemniko, eddimatse kaibusse punkti, arwas kohhus tühjas.  Tunnistajatte wälja ütlemisse perra.  nink nimmelt et kurja, ehk kahjo ei olle Kohtole ülles, näüdanu. 

Teise punkti pääle moistis Kohhus tunnistuse perra, Johan Seeme, peap Serristo Moisa Wallitsusele, (1) üts rubla trahwi kinniwõtmisse est 8. päiwa sissen ärra massma, sest et ne hobbese kahjo middägi ei olle tennu, es arwa Kohhus kahjo tassomist ka middagi.  Ent et, Sullane Kusta Pusep, om se teine hobbene, ilmlubbata ärra toonu, saap Kusta Pusep (10) kümme witsa lööki, ehk massap (2) kats rubla waeste Laadi. Sai kohto moistminne ja § 773. n: 774. kohtun käüjatele ette loetus, ent Serristo Moisa Wallitsusse Assemnik es olle sellega rahhul nink pallel Protokolli, mes kohhus ka lubbas anda.            (Allkirri)