Mõtza hoitja Koemetza Karle pääle kaibas Mõtza Issand Hausmann t temma ta Koemetza mõtz koggoni olli raisanu, lasknu Mõnniste rahwale monni sadda palki raiuda, Koemetza Jaanil üts tük palgi mõtza münu, nink et temmal Jaan om nappu andnu. Temma poja lebbi lasnu üts tük mõtza erra pallutada. 

Selle kaibusse pääle keisi Wallitsaja Mõtza Issand, Päkohtomees Pukka Samul, mõtza hoitja Piri Jakap, Koemetza Karl, Pika Juk nink Saora Peter sääl kohhal käeman nink leidsi et enne, se siin all kirjutedu kurri olli Koemetza Karle mõtzan tettu. 

1. Koemetza Jaan olli moisa mõtzan 

    a. 11 parre hird.

    b. 3 hird lemmu tarwis.

    c. 2 süld tallomehe rehe puid

    d. 7 süld ütte hallu pika puid

    e. ütte küllimittu alla keswi

    f. üts tüki rüki

    g. üts tüki karo.

2. Koemetza Kabri olli Moisa Mõtzan

    a. kats tüki rüki

    b. ütte küllimittu alla keswi.

    c. 2 1/2 süld tallumehe rehe puid.

    d. 2 1/2 süld ütte hallu puid.

    e. 3 peddaja palki nurme all. 

Mõtza Issand sai Pä kohtomehe Pukka Samuli lebbi essi kohto mannu kutsutu, et nemma selle selletamisse nink kohtomoistmisse man ollesi, agga nemma es tulle nink pandi ta käuk liaks. 

Koemetza Jaan sai kohto ette kutsutus nink neid süüd temmale ette loetu nink pääle temma nida wastutas

a. ne parre hirre olle ma raiunu.

b. ne kolm lemmu puid ni samuti.

c. 2 süld puid 2 hallo pik ni samuti.

d. 7 süld 1 hallu pik puid ni samuti. 

e. ne willa rasokesse ollen ma omma lubbaga hinnele püidnu. 

f. Mõtza nappu ette temma Karlile kääst ei ole püidnu ja ka mitte sanu. muidu enne Karlile 15 kubbu nappe lainanut. 

g. ta mõtza pallaminne olli minnu sullase Miku nink Karle poja Widriku lebbi heitzin minnewa ajasta mõtza leinu. 

h. minna ei tea kottust, Koemetza mõtzase kus mittu sadda palki olles raitetu Mõnniste rahwal, ja es lewwa ka wallitsaja nink kohtomees tedda, es jauwa ka mõtza Issand tedda neutada. 

Koemetza Kabri sai ette kutsutu, nink ne süi temmale ette loetu, mink pääle temma selle wisi kostis. 

ad. 

a.) kats tüki rüki ollen ma tennu moisa maa pääle ülle piru.

b.) üts tük keswi ni samuti.

c.) 2 1/2 süld tallu hallu puid ollen rainu.

d.) 2 1/2 süld 1 hallu puid ni samuti.

e. ) 3 palki nisamuti.

f.) ta mõtza pallaminne olli nida sündinu kui Jaan kõnnelas, Jaani sulase Miku nink Karle poja Widre lebbi oitzi ajal.

g.) Mõnniste rahwa palgi warrastamisest nisamuti minne ei tia middage kui Jaan, keisi ka kaja, nink neitaja nink et lõwwa nemma keddaki. 

pääle se näudminne, nink selletaminne sai koggokonna kohtolt antus se 

Otsus. 

Koemetza Jaan massab raha Trapi

11 parre hirre ette	11 Rublit
3 lemma hirre ette	3  "
9 sülla puie ette	9  "
ütte kokku	23 Rublit

Se willi mis ülle piri tennu sab erra woetus, Jaani käest, ja trabis peab temma sedda poimama nink pessma ommast ajast. 

Se raha trap pea rawi turroni erra tasutu ollema. 

Koemetza Kabri massab raha Trapi 

3 peddaja palki ette	3 Rublit
5 sülla puie ette	5  "

ta willi mis ülle jone tettu, sab erra woetu, Kabri käest, nink peab temma sedda weel poimama nink pessma trabis. 

Se raha trap peab rawi turroni erra mastu ollema.

Mõtza hoitja Karlile et temma mitte kurja mis sääl tetti es awalda peab ihho trapi kandma 30 keppiga löki.