№ 17

Sel 28 Januaril 1891.

Selle otsuse päle sest 14 Januarist s.a № 11 olli Jürri Wään Haslawast tullnu ja tunistas, et minewa talwel olnu tema jures kui  Mihkel Ruusa üts wakk kartoflit  Märt Walgele keige kottiga andno, selle jures ollnu neide wahel kõnne, et sellega wõlg tassa saab ja Märt Walge lubanu wõlla täht kodun katski kiskuda ja üttelnu Märt Walge et 3 rubl om tema enne kätte sanu. Jürri Wään nõudis päiwa palka. 

 Jürri Wään  ei mõista kirjutada.

Mihkel Seesik Pokka wallast tunistas, et minewa sügise andno Mihkel Ruusa Tarton 1 wak kartoflid Märt Walgele ja küssinu kas nüüd saab meije wõlg tassa, ja kas wõlla täht ütten om, selle jures nurrisenu Märt Walge, et Kartofli ni kalli ei olle ja et wõlla täht om kodun, keda Mihkel Rusa katski kiskuda ja tühja kartofli kotti nukka päle pooti panda. Mihkel Seesik nõudis päiwa palka.

Mihkel Zeisik /allkiri/

Märt Walge ütles selle päle, et tema neid tunistajat suguki ei tunne ja et se tunistus ka õige ei olle tema nõuab seda wõlga wõlla tähe perra 

M. Walge /allkiri/

Mõistetu: et Märt Walge nõudmine wasto Mihkel Ruusa tühjas om mõista, selle et Märt Walge se wõlg joba kätte om sanu ni kui tunistaja wälja om üttelnu.

Se mõistus sai kulutedo.

M. Walge /allkiri/   Mihkel Ruusa /allkiri/

Päkohtumees: Jaan Wirro XXX

Kohtumees: Jakob Saks /allkiri/

"   Jaan Treijal XXX

"  Peter Hansen XXX