Ette tulli Peter Orraw ja kaibas, et tema ollew welle Jakobi man müüri tööd 11 1/2 päiwa tennu ja see ei ollew palka ära masnu, tema nõudwat ega päiwa eest 1 rubla 20 kop.

Wastut kaibuse pääle Jakob Orraw, et se töö ollew kolme pääle kokko tettu ja temma ollew ütsind lepja olnu, lepitu olnu selle töö eest 22 rubla ja Peter Orraw 7 Rbl. 10 Kop. ära saanu.

Wastut selle pääle Peter Orraw et tema enegi 4 rubla saanu, päiwa palka ei ollew lepitu. Petserist tullen ollev tema 20 kop. saanu, 18 kop. wiina eest masnu 13 kop. tee eest masnu ja ütte wana Kübara saanu. Jakob Orawa käest 2 rubla 20, mes tema weel Jakob Orawa käest saanu, see ollew tema töömehe Samatilkale masnu, mes Jakob Orraw masma pidanu.

Nema ei leppi

Otsus:

Rehnung sai peetus ja tulli wälla, et Peter Orraw om saanu Jakob Orawa käest 7 Rbl 21 Kop.  22 rubla kolmes jagada, teep wälja 7 Rbl 33 Kop. sis peap selle perra Jakob Orraw Peter Orawale wäljamasma 12 Kop. 14 päiwa sissen a dato. Kübar sai rehkentadus 50 Kop.

Seekohtu otsus sai kohtun käüjile kuulutedus prg. 773

Pääkohtumees M. Jõgewa [allkiri]

Kohtumees Kusta Jakobson XXX

Abiline Peter Kallase [allkiri)